திருவள்ளுவர் ஆண்டு 2042 கன்னித் திங்கள் 9ஆம் நாள் திங்கள் கிழமை மணிமன்றத்தின் திங்கள் கூட்டம், மன்றத் தலைவர் திரு பொன்.பால சுப்பிர மணியன் அவர்கள் தலைமையில் புதுக்கோட்டையில் நடைபெற்றது. செப்தெம்பர்ச் செம்மல்களின் சிறப்புகள் போற்றப்பட்டன. செப்-5ல் பிறந்த கப்பலோட்டிய தமிழன் வ.உ.சிதம்பரனார், நாடகத்தந்தை சங்கரதாசு அடிகள், மேனாள் குடியரசுத் தலைவர் முனைவர் இராதாகிருட்டினன்,தமிழறிஞர் சாலை இளதிரையன் (செப் -6 )முத்தமிழ்க் காவலர் கி.ஆ.பெ.விசுவநாதம்( செப்-10) பேரறிஞர் சி.ந.அண்ணாத்துரை (செப்-15) அரசன் சண்முகனார், பகுத்தறிவுப் பகலவன் அறிவுலக ஆசான் தந்தை பெரியார் ஈ.வே.ரா (செப்-17) ,உடுமலை நாராயணகவி ( செப்-25 ) பாவலர் பெரியசாமி தூரன், சி.பா.ஆதித்தனார் (செப்-27 ) மாவீரன் பகத்சிங் ( செப்- 28 ) திருக்குறள் முனுசாமி ( செப்-29 ) ஆகியோரது பிறந்தநாள்களும், இத்திங்களின் மறைந்த பேரா.இலக்குவனார் (செப்-3) அன்னை தெரசா ( செப்-5) மகாகவி சுப்பிரமணிய பாரதியார் ( செப்-11 ) தமிழ்க்கடல் மறைமலையடிகள் ( செப்-15 ) தமிழ்த் தென்றல் திரு.வி.கலியாணசுந்தரம் ( செப்-17) இரட்டைமலை சீனிவாசன் (செப்-18) புலவர் குழந்தை ( செப்-24) தமிழவேள் பி.டி.இராசன் ( செப்-25 ) கவிமணி தேசிக விநாயகம் பிள்ளை ( செப்-26 ) ஆகியோரின் நினைவுகளும் போற்றப்பட்டன.
ஊழல்களுக்கு எதிரான விழிப்புணர்வுக் கருத்துகளை துண்டறிக்கைகள் மூலம் மக்கள் மத்தியில் பரப்பிட வேண்டிய இன்றியமையாமை பற்றியும் முடிவுகள் மேற்கொள்ளப் பட்டன. மன்றத்தின் துணைச் செயலாளர் திருமதி .அரங்க.நீலா அவர்களின் ” கற்றது சிறையளவு” ” சக்கரவாகப் பறவைகள்”"Education within Iron bars" ஆகிய மூன்று நூல்கள் 25.09.2011 அன்று ஆலங்குடியில் அறிவொளி நாயகி திருமதி ஷீலாராணி சுங்கத் அவர்களால் வெளியிடப் பட்டதற்கும், மன்றத் துணைச் செயலாளர் புலவர் மகா.சுந்தர் அவர்கள் செப் -5ல் புதுக்கோட்டை கவிராசன் இலக்கியப் பேரவையால் நல்லாசிரியர் விருது பெற்றமையையும் மன்றம் பெரிதும் பாராட்டி மகிழ்ந்தது.
கருத்துகள் இல்லை:
கருத்துரையிடுக